Хабарлар

Пахтачи тумани 17-мактаб ўқувчиси Осиё чемпиони бўлди!

10-09-2019 17:41   11

Самарқанд вилояти, Пахтачи тумани 17-умумий ўрта таълим мактабининг 11-синф ўқувчиси Буриев Ҳаётбек жорий йилнинг сентябр ойида Малайзия давлатининг Куала Лумпур шаҳрида бўлиб ўтган спортнинг Шинкиокушинкай Каратэ тури бўйича Осиё чемпионатида қатнашди ва ўз вазн тоифасида рақибларидан мутлақо устунлик билан Осиё чемпиони бўлди. 


Коррупция – жамият кушандаси

09-09-2019 17:43   12

Ҳозирда хар бир ривожланган ва ривожланаётган давлатларни барқарорлик билан тараққий этишига “Коррупция” иллати қаршилик кўрсатиб келмоқда. Шу боисдан хам коррупцияга қарши курашиш бутун дунё мамлакатларининг долзарб муаммоси бўлиб қолмоқда.

Қуйида ушбу иллатнинг айрим салбий оқибатлари ҳақида фикр юритамиз.

“Коррупция” термини лотинча “corruptio” сўзидан келиб чиққан бўлиб, унинг этимологик маъноси “бузиш, сотиб олиш” - деган маънони билдиради. Яъни коррупция – сиёсат ва давлат бошқаруви соҳасидаги ижтимоий хавфли ҳодиса, давлат функцияларини бажариш ваколатига эга бўлган ёки уларга тенглаштирилган шаxсларнинг ноқонуний тарзда моддий ва бошқа бойликлар, имтиёзларни олишда ўз мақоми ва у билан боғлиқ имкониятлардан фойдаланиши, шунингдек, бу бойлик ва имтиёзларни жисмоний ёки юридик шахслар қонунга хилоф равишда эгаллашига имкон беришидир. Коррупция ва порахўрлик давлатни ич-ичидан емириши жаҳондаги баъзи давлатлар тажрибасидан яхши маълум.


Халқ таълими вазири иштихонлик ўқувчилар билан учрашди

07-09-2019 17:46   13

Халқ таълими вазири иштихонлик ўқувчиларга нима деди? - zarnews.uz

Ўзбекистон Республикаси Халқ таълими вазири Шерзод Шерматов ёш авлоднинг компьютер, мусиқа, адабиёт ва санъатга бўлган қизиқишларини янада ошириш, китобхонлик ҳамда соғлом турмуш тарзини тарғиб этиш мақсадида Иштихон туманидаги 2 ва 94-умумтаълим мактаблари фаолияти билан танишди.


Бутун кучни халқ ичидан олайлик, қучоқ очиб мактабларга борайлик

06-09-2019 17:52   9

Самарқанд вилоятида “Бутун кучни халқ ичидан олайлик, қучоқ очиб мактабларга борайлик” шиори остида

 Республика ишчи гуруҳи ўз ишини бошлади  

 

Ўзбекистон Республикаси Президенти раислигида жорий йил 23 август куни Ёшларни ватанпарварлик руҳида тарбиялаш ва жамиятда ўқитувчи мавқеини ошириш чора-тадбирлари мавзусида бўлиб ўтган видеоселектор мажлисида мактаб таълимини ривожлантириш буюк умуммиллий мақсадга, умумхалқ ҳаракатига айланиши, устозларга юксак ҳурмат-эҳтиром кўрсатиш жамиятимизда олий қадрият даражасига кўтарилиши зарур эканлиги белгиланган.

Жойларда барча раҳбарлар ва мутасаддилар “Бутун кучни халқ ичидан олайлик, қучоқ очиб мактабларга борайлик” шиорини дастуриламал қилиб, мактаб таълимини ривожлантиришга йўналтирилган буюк умуммиллий мақсадга, умумхалқ ҳаракатига етакчилик қилиши лозимлиги кўрсатиб ўтилди.

Давлатимиз раҳбари томонидан берилган топшириқлар ижроси доирасидаги ишларни тизимли ташкил этиш ва кўзланган пировард натижаларга эришилишини таъминлаш, бу борада ҳудудлардаги масъулларнинг фаолиятини тўғри ташкиллаштириш, ислоҳотлар самарадорлигини таъминлаш, ўқитувчиларнинг касбий маҳоратини ошириш, таълим сифати назоратини кучайтириш ҳамда тарбия соҳасида замонавий услубларни қўллаш ишларини ташкил этиш мақсадида ташкил этилган Ўзбекистон Республикаси Бош вазири ўринбосари А.Абдуҳакимов бошчилигидаги таълим тизимига масъул 40 дан ортиқ вазирлик, тегишли бошқарма ва ташкилот мутасаддиларидан иборат Республика ишчи гуруҳи  вилоятимизда ўз ишини бошлади. 

Бугун халқ таълими тизимида ислоҳотлар самарадорлигини таъминлаш,   ўқитувчиларнинг касбий маҳоратини ошириш, таълим сифати назоратини кучайтириш ҳамда тарбия соҳасида замонавий услубларни такомиллаштириш бўйича республика ишчи гуруҳи раҳбарлари Жомбой туманида ҳам бўлишди.

 Вазирлар Маҳкамаси ҳузуридаги Таълим сифатини назорат қилиш давлат инспекцияси бошлиғининг биринчи ўринбосари Ҳотамжон Кетмонов ва Тошкент давлат аграр университети ректори, академик Ботиржон Сулаймонов ҳамда ишчи гуруҳ аъзолари томонидан икки кун мобайнида тумандаги 18 та мактабларнинг фаолияти таҳлилий ўрганилди.

Тизимда фаолият юритаётган ўқитувчилар билан суҳбат ўтказилиб, уларнинг халқ таълими тизимида таълим сифати ва самарадорлигини ошириш бўйича таклифлари олинди.

         Ўрганиш давомида ўқув-услубий ва маънавий-маърифий, ободонлаштириш ишлари бўйича аниқланган камчиликларни бартараф этиш юзасидан амалий таклиф ва тавсиялар берилди.

         Ўрганишлар жойларда давом этади.

 


ҚЎШРАБОТДА МАКТАБЛАР СОНИ ЯНА БИТТАГА КЎПАЙДИ

05-09-2019 17:59   6

Бугун ўқувчилар, айниқса, биринчи синфга қадам қўйган жажжи болажонлар учун ҳаяжонли бўлган “Билимлар куни” тадбирлари Қўшработ туманида ҳам кўтаринки кайфиятда ўтди. Бошланган янги ўқув йилида 2588 нафар қўшработлик болажонлар илк бор 1-синфга қадам қўйди. Уларнинг барчасига “Президент совғаси” топширилди.
Шу пайтга қадар туманда 88 та мактаб фаолият юритиб, ушбу таълим муассасаларида 26 мингга яқин ўқувчи таълим-тарбия олиб келарди.
Бугун “Билимлар куни” тадбирлари доирасида туманнинг Қўшработ маҳалласида жойлашган собиқ Қўшработ туман иқтисодиёт ва сервис касб-ҳунар коллежи биносида янги ташкил этилган 89-мактаб ўз фаолиятини бошлади.
Бино таъмирланиб, янги ўқув йилига мактаб ўқувчилари учун зарур шарт-шароитлар яратилди. Мазкур мактаб ташкил этилгач, 50 нафарга яқин янги иш ўринлари яратилди ҳамда 398 нафар ўқувчи таълим-тарбия олишни бошлади.
Бундан ташқари, мукаммал таъмирдан чиқарилган 48-мактаб, реконструкция қилинган 41- ва 32- мактаб ўқувчилари учун ҳам янги биноларда таълим-тарбия олишни бошлашди.


"Билимлар куни" тадбирлари ўтказилди

05-09-2019 16:01   6

Бугун республикамиздаги барча умумтаълим мактабларида Билимлар куни кенг нишонланди. Вилоятимиздаги 1243 та умумтаълим мактабларига 72 минг 995 нафардан ортиқ ўқувчилар 1-синфга қабул қилинди. Иштихон туманидаги 33-умумий ўрта таълим мактабида ўтказилган "Билимлар куни" тадбирида вилоят халқ таълими бошқармаси бошлиғи Саидаҳмад Усмонов, халқ таълими бўлими мудири Иззатилло Фозилов, туман ички ишлар, ёнғин хавфсизлиги бўлимлари, маҳалла фаоллари, фахрий устозлар, ота-оналар, ўқитувчи ва ўқувчилар иштирок этишди. 2013 йилда қурилган таълим муассасасида бугунги кунда 876 нафар ўқувчилар таълим-тарбия олишмоқда. Вилоят халқ таълими бошқармаси бошлиғи С.Усмонов мактаб ўқувчилари учун китоблар жамланмасини совға қилди. Мактабнинг 9-синф ўқувчилари билан ўтказилган Мустақиллик дарсларида Президентимиз томонидан илгари сурилган 5 та муҳим ташаббус, таълимга, ёшларга қаратилаётган эътибор ва ғамхўрликлар ҳақида сўз юритилди. Жажжи ўқувчиларга Президент совғалари топширилди.


Университет ўқитувчиси мактабда дарс ўтади

05-09-2019 15:57   7

Самарқанд давлат университети профессор ўқитувчилари янги ўқув йилини янги ташаббус билан бошламоқчи.

Дорилфунунда фаолият кўрсатаётган 430 нафар фан доктори ва фан номзодлари сентябрдан бошлаб ҳар ойда ўзлари ўқиган мактабларда дарс беришади.


Янги ўқув йили янгидан бунёд этилган мактабда бошланди

04-09-2019 17:54   7

Самарқанд шаҳридаги Дарғом, Шукрона, Маданият, Нурафшон каби 6 маҳалланинг ўқувчилари янги қурилган 540 ўринли 58-мактабда янги ўқув йилини бошлади.

Инвестиция дастури асосида 4 миллиард 750 миллион сўм маблағ эвазига бунёд этилган мактабда ўқувчилар учун барча шароит мавжуд.

Тантанали тадбирда Самарқанд шаҳар ХТБ бошлиғи Р.Маҳмудов ва бошқалар ўқувчиларни байрам билан табриклади. Тадбирда ўқувчилар томонидан ватанни мадҳ этган шеърлар, куй-қўшиқлар намойиш этилди. Шунингдек, Самарқанд шаҳар ХТБ бошлиғи мактаб ўқувчиларига "Мустақиллик дарси" ўтди.


Самарқанд шаҳар ҳокими мактаб ўқувчиларига дарс берди

04-09-2019 15:50   12

Бугун Самарқанд шаҳридаги 80 та мактабда “Билимлар куни” ва Мустақиллик дарслари ўтказилди.

Жумладан, 31-умумий ўрта таълим мактабидаги тадбирга мактабнинг собиқ ўқувчилари вилоят ҳокимининг биринчи ўринбосари Ж.Ўроқов ва Самарқанд шаҳар ҳокими Б.Облоқулов иштирок этиб,
ўқувчиларни янги ўқув йили билан табриклади.

Шундан сўнг ўзлари таҳсил олган синфхоналарда бўлди ва ўқувчи-ёшларга Мустақиллик дарсларини ўтишди.


Сайдиаҳмат Усмонов Самарқанд вилояти халқ таълими бошқармаси бошлиғи лавозимига тайинланди

31-08-2019 12:11   33

Самарқанд вилояти халқ таълими бошқармасига янги раҳбар тайинланди. Бунга қадар Сайдиаҳмат Усмонов Самарқанд вилоят Халқ таълими ходимларини қайта тайёрлаш ва уларнинг малакасини ошириш ҳудудий маркази директори лавозимида ишлаган.


 
Матнни ўқиш учун ушбу тугмани босинг