Самарқанд вилояти
Халқ таълими бошқармаси
w w w . s a m x t b . u z

 

ЧҚБТ фани ўқитувчилари беллашди

Самарқанд вилояти мудофаа ишлари бошқармаси ҳузуридаги чақирилувчиларни ҳарбий-техника мутахассислиги бўйича тайёрлаш марказида вилоят мудофаа ишлари бошқармаси ҳамда халқ таълими бошқармаси ҳамкорлигида “Энг яхши чақирувга қадар бошланғич тайёргарлик фани ўқитувчиси” кўрик-танловининг вилоят босқичи бўлиб ўтди.

“Ватанпарварлик ойлиги” доирасида ўтказилган кўрик-танловда унинг туман ва шаҳар босқичида ғолибликни қўлга киритган 16 нафар ўқитувчи 5 та шарт — ҳарбий билим ва салоҳияти, жисмоний, маънавий-маърифий тайёргарлигини синовдан ўтказишди.

Якуний натижаларга кўра, Самарқанд шаҳридаги 45-умумий ўрта таълим мактабининг чақирувга қадар бошланғич тайёргарлик фани ўқитувчиси Бахтиёр Сайдалиев биринчи ўринни эгаллади. Иккинчи ва учинчи ўринлар Самарқанд туманидаги 13-умумтаълим мактаби ўқитувчиси Эркин Ширинов ҳамда Паст Дарғом туманидаги 75-умумтаълим мактаби ўқитувчиси Дилшод Ҳайдаровларга насиб этди. Ғолиблар ташкилотчиларнинг дипломи ҳамда эсдалик совғалари билан тақдирланди. Кўрик-танловда фаол иштирок этган ўқитувчиларга номинациялар бўйича фахрий ёрлиқлар топширилди.

Нурали ИБРАГИМОВ,

вилоят халқ таълими

бошқармаси методисти


Охирги ўзгариш вақти: 19/12/2019 16:05;   Кўрилганлиги: 122
 
Материал манзили: http://samvxtb.uz/press/news/chqbt-fani-oqituvchilari-bellashdi
Чоп этилган вақт: 23/02/2020 00:53
Матнни ўқиш учун ушбу тугмани босинг